لـسـه عـايـش ( إلى من يتعذب بنار الحب )

لسه عايش جوه قلبى نبض ينده إن واحده بس هى اللى فى خيالى

مهما أشـرق مـهـما أغـرب مهما أتوه .. أبعد وأقرب
مهما أضيع وسط السحاب مهما أدوق الويل وأجرب
هى برضه اللى فى كيانى

نبض قلبى سألنى مرة ليه يا صاحبى تعيش فى غربة
لـيه تعـاند لـيه تقاسى جــراح و نــار و عـذاب و فـرقـة
أقوله راح كله فى ثوانى

لما بـشــوفـها و عـيـنـى تـيـجـى فـى عـنـيها
سحر هواها يشدنى يرمينى فى بحر حواريها
ليلى نهارى بعذابى راضى أسير جراحى ودوايا فى عنيها
يشفى آلامى من تانى

بـأسـتـنـى يـوم لـؤاها صابر عـالجراح و الدمع قادر
نـبـض قلبى يقولى انسى راح تبيعك راح تـهاجـر
وتعيش أسير غدر الليالى

و لـمـا جـت ساعة لؤاها قلبى طار مـ الشوق وراها
طار وقالى إيه خلاصك قــلــتــلــه لـحـظـة رضـــاهـا
أحلم أنول كل الأمانى

لسه عايش أيوه عايش قلـبـى لـيـكـى لـلـنهايــة
لسه عارف إنـه شـايف أحلى قصة أجمل حكاية

إوعـديـنـى إنـك هـتـبقى كل شئ حلو فى حياتى
وأوعدك لو هأقدر أحكى قـصـة الـشـوق مـ الـبداية
لكل عصر و لكل وادى

تأليف : القائد / محمد إبراهيم درغام

» دروس في الحب